முறை படுத்திய திருமணம்

நான் ஏற்றவும் இல்லை!

மரபுகளை முறிக்கவும் இல்லை!

வால் வீச பயிலவுமில்லை!

வாலோனை தூதுக்காய் அனுகியதும்மில்லை !

மதம் கொண்ட யானை,

அடக்க முடியாத குதிரை,

முரட்டுத்தனமான காளை,

இவற்றோடு களம்புகவும் இல்லை!

பளு தூக்குதல்,

தடியனோடு குஸ்தி,

கவிஞனோடு போட்டி - என்பல

சோதனை சுற்றுகளை கண்டதும்மில்லை!

கொஞ்சமாய் காதல்

நுரைதள்ள அடி,

காதலை மெய்ப்பிக்க

மெய்வருந்த எழுதும் குருதிமடல்கள்,

கண் இமைக்கும் தூரத்தில்,நேரத்தில்

காதலி கடந்து செல்வாள் -என

ஒலி நூற்றாண்டுகளாய் ஒற்றைக்காலில் தவம்,

காதலி மட்டுமே தேவதையாய்,

மற்ற அனைவரும் அரக்கர்களாய்!

தெரிந்தே,

நரக நெருப்பில் கால்புதைத்து,

அருகம்புல் மாலையனியும் கதை........-காதல்!

ஐய்யகோ காதலை நினைக்கும்போதே,

ஆபத்துமணி மூலையில் சத்தமாய்!

நலம் தெரிந்து,காலம் பார்த்து,

உயரம் பார்த்து,உள்ளமும் பார்த்து,

ஏனைய எல்லா பொருத்தங்களும் பார்த்து,

நாள் குறித்து, அழைப்பிதழ்களை அழகாய்அச்சடித்து,

மங்கலமாய் மஞ்சள்ளிட்டு,

அனைவரையும் ஒருங்கினைத்து!

பெற்றவர்கள்,

கண்ணே,மணியே - என

பொத்தி,  பொத்தி வளர்த்த பொக்கிஷத்தை!

மணவாளன் கை சமர்பிக்க,

பெற்றவர்கள் பெருமையில்,

ஆன்றோர்களின் ஆசியோடு,

சான்றோர்களின் சம்மதத்தோடு,

நண்பர்களின் வாழ்த்து பெற்று ,

கரகோஷங்கள் வின்பிளக்க!

நலமாய் தொடங்குமே வாழ்க்கை

முறைபடுத்திய திருமணத்தில்!  

- நவீன மென்மையானவன்